လ္ဘက်ရည်

Tea
လ္ဘက်ရည်ဖျော်နည်းတင်ပေးပါလို့မေးလာကြသူများအတွက်သိသလောက်မျှဝေပေးချင်ပါတယ်။လ္ဘက်ရည်သောက်သူများနှစ်သက်သူများအမျိုးမျိုးကွဲပြားကြမယ်ထင်ပါတယ်။အထူးသဖြင့်နေရာဒေသအလိုက်ကွဲပြားမှုများကိုတွေ့ရမှာပါ။အနည်းငယ်မျှအတိမ်းအစောင်းမခံသောနေရာဒေသများရှိသလိုဖျော်ပြီးဓာတ်ဘူးဖြင့်ထည့်ရောင်းသည်ကိုလက်ခံသောက်သုံးသူများလည်းရှိနေပါသေးတယ်။လ္ဘက်ရည်များအချိုခြောက်ပြုတ်ပြီးနို့ဆီထည့်ဖျော်ရုံဘဲဆိုသူတွေလည်းအများအပြားရှိမယ်ထင်ပါတယ်။လ္ဘက်ရည်ကောင်းကောင်းရဖို့အချိုခြောက်ကအ ရမ်းအရေးကြီးပါတယ်။ဆိုဖီယာကတော့ကိုယ်တိုင်မဖျော်ရောင်းခဲ့ဖူးပေမဲ့နေ့စဉ်နှင့်အမျှငယ်စဉ်ကတည်းကမြင်တွေ့နေခဲ့တယ်ဆိုလည်းမမှားပါ။ကိုယ်တိုင်လည်းစွဲစွဲမြဲမြဲသော က်ခဲ့ဖူးတယ်။ခုနောက်ပိုင်းမှာတော့ကိုယ်လိုချင်တဲ့အရသာရအောင်ဖျော်ပေးနိုင်တဲ့အရပ်ရောက်မှသာလျှင်သောက်ဖြစ်ပါတော့တယ်။ရှမ်းပြည်မှာတော့ရွှေဖီမိုးလွတ်အချိုခြောက်ဆိုတာအချိုခြောက်ထဲမှာအနှံ့အရသာအကောင်းဆုံးအပြင်းဆုံးလို့သိထားပါတယ်။အိမ်မှာတော့ငယ်စဉ်ကနှစ်စဉ်နှစ်တိုင်းမှာရွှေဖီမိုးလွှတ်အချိုခြောက်များကိုတနှစ်စာအခန်းပြည့်သိုလှောင်ထားလေ့ရှိပြီးအခြားအချိုခြောက်ဖြင့်အချိုးကျရောစပ်အသုံးပြုပါတယ်။
အချိုခြောက်အမျိုးအစား၊နှပ်ထားသောအချိန်၊ရေအချိုးတို့ပေါ်မူတည်ပြီးဖျော်စပ်သောလ္ဘက်ရည်အရသာမှာလည်းကွဲပြားသွားမှာဖြစ်ပါတယ်။
လ္ဘက်ရည်နှစ်သက်သူများအဖို့တွင်ပင်နှစ်သက်ကြပုံခြင်းများစွာကွဲပြားကြပါသေးတယ်။ဖန်ချို၊ချိုစိမ့်၊ကျစိမ့်၊ပေါ့စိမ့်၊ပုံမှန်စသဖြင့်ခေါ်ဝေါ်လေ့ရှိပြီးမိမိ လိုချင်သောအနေအထားကိုလ္ဘက်ရည်ဖျော်စပ်ပေးသူမှာကောင်းစွာနားလည်ရန်လည်းလိုအပ်ပါသေးတယ်။ဒါကြောင့်လ္ဘက်ရည်ဖျော်နည်းကိုတင်ပေးဖို့ရာအတော်လေးအခက်အခဲရှိပါတယ်။အချိုခြောက်နှပ်ပုံနှပ်နည်းနှင့်ဖျော်စပ်ပုံအချိုကိုဖော်ပြပေးပါ့မယ်။အိမ်ဖျော်များအတွက်အဆင်ပြေနိုင်ပေမဲ့ရောင်းချလိုသူများအတွက်နေရာဒေသအသုံးပြုသောအချိုခြောက်နို့ဆီနှင့်စားသုံးသူအပေါ်လိုက်၍လေ့ကျင့်မှုစမ်းသပ်မှုများများစွာပြုလုပ်ရန်လိုပါတယ်။
ပါဝင်ပစ္စည်း(၅ခွက်စာ)
*********
အချိုခြောက် - ၁၀ ဂရမ် လ္ဘက်ဇွန်း ၅ဇွန်း
ရေ - တစ်လီတာ
ဆား - လ္ဘက်​ဇွန်း ၁/၄
နို့ဆီ -  (လိုသလောက် )
နို့စိမ်း
ပြင်ဆင်ပြုလုပ်ပုံ
************
1.ဦးစွာအချိုခြောက်နှပ်ရေခေါ်(ရမ်းရည်)ပြုလုပ်ရန်သန့်စင်သောအနံ့ကင်းသောအိုးဖြင့်ရေထည့်ပြီးဆူပွက်အောင်တည်ပါ။
2.ဆူပွက်ပါကအချိုခြောက်မှုန့်ကိုအဝတ်အိတ်တခုဖြင့်ထည့်ပြီးရေဆူအိုးထဲထည့်ပါ။ဆားထည့်ပါ၊အဝတ်အိတ်မရှိပါကအမှုန့်အတိုင်းထည့်ပြီးပြန်စစ်ပေးနိုင်ပါတယ်။
3.မီးအနေတော်ဖြင့်ဆယ်မိနစ်ခန့်ကျအောင်တည်ထားပေးပါ။
4.ဆယ်မိနစ်ခန့်တည်ပြီးပါကမီးအသေးဆုံးဖြင့်အပူပေးထားနိုင်သည်။
5.လ္ဘက်ရည်ဖျော်ရာတွင်အချို၊အဖန်၊အစိမ့်တို့ကိုမိ မိနှစ်သက်သလိုဖန်တီးယူရမှာဖြစ်ပါတယ်။
6.ခပ်ပြင်းပြင်း၂၀၀mlဖန်ချိုတခွက်အတွက်နို့ဆီ
၃ဇွန်းလ္ဘက်ဇွန်းနှင့်အဖန်ရည်ထည့်ပြီးဖျော်ပေးနိုင်ပါတယ်။
7.ခပ်ပေါ့ပေါ့ချိုစိမ့်တခွက်အတွက်နို့ဆီ၃ဇွန်းလ္ဘက်ဇွန်းနှင့်အဖန်ရေတစ်ဆရေနွေးဖြူနှစ်ဆရောစပ်ပေးပြီးနို့စိမ်းထည့်ပေးနိုင်ပါတယ်။
8.ပုံမှန်တခွက်အတွက်မူအဖန်ရည်တဝက်ရေနွေးဖြူတဝက်ရောစပ်ဖျော်ပေးနိုင်ပါတယ်။
❀အဖန်ရည်သီးသန့်တခွက်
အဖန်ရည်တဆရေနွေးနှစ်ဆ
အဖန်ရည်နှစ်ဆရေနွေးတဆ
အဖန်ရည်ရေနွေးဆတူ
နို့ဆီနို့စိမ်းတို့ဖြင့်မိမိလိုသလိုဖျော်စပ်နိုင်ပါတယ်။
.......
Sofia
http://sofiafoodparadise.blogspot.com