နေရာဒေသအလိုက်ရာသီအလိုက်သီးအနှံတို့ကိုကြာရှည်ခံသိမ်းဆည်းသုံးဆောင်နိုင်အောင်အမျိုးမျိုးစီမံပြုလုပ်လေ့ရှိကြပါတယ်။ဒီရာသီကတော့မရမ်းသီးများလှိုင်လှိုင်ပေါလို့ကြာရှည်သိမ်းဆည်းစားသုံးနိုင်ဖို့သနပ်လုပ်နည်းလေးမျှဝေပေးလိုက်ပါတယ်။
မရမ်းသီးသနပ်ကိုအစိမ်းသနပ်အခြောက်သနပ်အချိုအစပ်ချဉ်ငံစပ်အရသာအမျိုးမျိုးပြုလုပ်လေ့ရှိတဲ့ထဲကခုလုပ်ထားတာတော့အစိမ်းအချိုအိအိလေးနဲ့ချိုချဉ်လေးပြုလုပ်ထားခြင်းဖြစ်ပါတယ်။
ပါဝင်ပစ္စည်း
*********
မရမ်းသီးစိမ်း - တစ်ကီလို
ဆား - ၂ဇွန်း စားပွဲဇွန်း
သကြား/ပျားရည် - ၁၀၀ဂရမ်
အရောင်တင်ငရုပ်သီးမှုန့် - ၃ဇွန်း
ဆီ - ၁၆၀ ဂရမ် (တစ်ဆယ်သား)
ဇီယာ - ၂ဇွန်း (သနပ်မဆလာ)
ကြက်သွန်ဖြူ -လက်တစ်ဆုပ်
ငရုပ်သီးစိမ်း - အနည်းငယ်
ပဲနံ့သာစေ့ -တစ်ဇွန်း (နှစ်သက်က)
ပြင်ဆင်ပြုလုပ်ပုံ
***********
(၁)မရမ်းသီးစိမ်းရင့်ရင့်ကိုရေဆေးသန့်စင်ပြီးထပ်ခြမ်းခြမ်းအစေ့ထုတ်ထားပါ။
(၂)ခြမ်းပြီးအစေ့ထုတ်ပြီးသားမရမ်းသီးကိုဆားထည့်ပြီးသမအောင်မွေပေးကာပုလင်းသို့မဟုတ်ဘူးတခုတွင်ထည့်ထားပါ။မကြာမကြာအထက်အောင်လှန်ပေးပါ။
(၃)နှစ်ရက်ခန့်တွင်မရမ်းသီးနှပ်ပြီဖြစ်၍ဆယ်ယူပြီးဇကာဖြင့်စစ်ကာနေပူတွင်တနေခန့်သွေ့အောင်လှန်းပေးပါ။
(၄)ပဲနံ့သာစေ့ကိုလှော်ပြီးကြိတ်ထားပါ။
(၅)ကြက်သွန်ဖြူငရုပ်စိမ်းအသင့်ပြုလုပ်ပါ။
(၆)အိုးတခုတွင်ဆီပူအောင်တည်ပြီးအရောင်တင်၊ဇီယာမဆလာထည့်ဆီသပ်ပါ။သကြားသို့မဟုတ်ပျားရည်ထည့်ပြီးပျော်အောင်မွေပေးကာမီးပိတ်ပြီးကြက်သွန်ဖြူ၊ငရုပ်သီးစိမ်းထည့်ပါ။
(၇)အသင့်ခြောက်ထားသောမရမ်းသီးကိုထ ည့်ပြီးသမအောင်မွေကာအအေးခံထားပါ။
(၈)လုံးဝအေးသွားသောအခါပုလင်းသန့်သန့်ကိုရေခြောက်အောင်သုတ်ပြီးထည့်ကာတရက်နှပ်ထားပါ။
(၉)ဒုတိယမြောက်ရက်တွင်ဆီကိုကျက်အောင်ချက်ပြီးမျက်နှာပြင်ကိုဆီဖုံးအောင်ထည့်ကာပုလင်းကိုလေလုံအောင်ပိတ်ပြီးထားပါ။
(၁၀)နှစ်ပတ်ခန့်နှပ်ပြီးပါကရေခဲသေတ္တာတွင်ထည့်ပြီးသိမ်းဆည်းကာဇွန်းသန့်သန့်ဖြင့်လိုသလောက်ထုတ်ယူသုံးဆောင်နိုင်ပါပြီ။
❀❀ပြုလုပ်ပြီးတရက်ကိုအခြောက်နှပ်ထားပြီးအရသာဝင်မှသာလျှင်ဆီကိုမျက်နှာပြင်ဖုံးအောင်ထည့်ပြီးနှပ်ပါ။
...............
Sofia
http://sofiafoodparadise.blogspot.com
No comments:
Post a Comment