မြန်မာမုန့်လေးတွေကိုမြန်မာပြည်နေချိန်မှာအမှတ်တမဲ့နေခဲ့ကျပေမဲ့အဝေးရောက်သွားတော့မှသတိရပြီးတမ်းတတတ်လာတယ်။ကိုယ်လုပ်တတ်သလောက်လေးလုပ်စားဖြစ်သလိုမတတ်တာလေးတွေကိုလည်းနီးစပ်ရာကိုမေးမြန်ပြီးစမ်းလုပ်စားဖြစ်ခဲ့တယ်။အညာဘက်မှာတော့နူးညံ့တဲ့ရေမုန့်ကိုမနက်ခင်းစာအဖြစ်အကြော်စုံနဲ့တွဲဖက်စားလိမ့်ရှိပါ တယ်။ဆိုဖီယာလုပ်စားဖြစ်တဲ့ရေမုန့်အချိုးလေးမျှဝေပေးလိုက်ပါတယ်။
ပါဝင်ပစ္စည်း
*********
ဆန်မှုန့် - ၃ဘူး(၄၅၀ဂရမ်) (နို့ဆီဘူး)
ဆား - တစ်ဇွန်း လ္ဘက်ဇွန်း
ဆော်ဒါ - ဇွန်းတဝက် လ္ဘက်ဇွန်း
ရေ - ၄ဘူးခွဲ (နို့ဆီဘူး)
ရေနွေးပူ - ၃ဇွန်း စားပွဲဇွန်း
ပဲပြုတ် - တစ်ပန်းကန်
နံနံပင် - တစ်စည်း
နှမ်းထောင်း-အနည်းငယ်
ဆီ - အနည်းငယ်
တွဲဖက်စားရန်
**********
အကြော်စုံ
ပြင်ဆင်ပြုလုပ်ပုံ
************
(၁)ဆန်တပြည်ကိုကောက်ညင်းလက်တစ်ဆုပ်ထည့်ပြီးရေစိမ်ကြိတ်ကာစစ်ထားအခြောက်ခံထားသောဆန်မှုန့်ကိုသုံးထားခြင်းဖြစ်ပါတယ်။(၂)မုန့်ပြုလုပ်ရန်ငစိန်ဆန်ကြမ်းမှာအကောင်းဆုံးဖြစ်ပါတယ်။အခြားဆန်ကိုလည်းအသုံးပြုနိုင်ပေမဲ့ရေနွေးအချိုးကိုသတိပြုရန်လိုအပ်ပါတယ်။
(၃)မုန့်နှစ်ဖျော်ရန်ဆန်မှုန့်၃ဘူးတွင်ဆားအနည်းငယ်ဆော်ဒါလ္ဘက်ဇွန်းတဝက်ထည့်ပါ။ရေနို့ဆီဘူးလေးဘူးခွဲတွင်ရေနွေးပူပူ၃ဇွန်းရောပြီးမွေပေးကာမုန့်နှစ်ရည်ဖျော်ထားပါ။
(၄)ဆန်ကိုရေစိမ်ရေစစ်ပြီးအမှုန့်ကြိတ်သုံးပါကမုန့်နှစ်ရည်နှပ်ထားရန်မလိုဘဲတန်းပြီးမုန့်လုပ်နိုင်ပါတယ်။ဆန်မှုန့်ခြောက်ကိုအသုံးပြုပါကနာရီဝက်ခန့်နှပ်ထားပေးဖို့လိုအပ်ပါတယ်။
(၅)ရေမုန့်ပြုလုပ်ရန်မုန့်နှစ်ရည်အသင့်ဖြစ်ပါနံနံပင်ပဲပြုတ်နှင့်နှမ်းထောင်းတို့ကိုအသင့်ပြင်ထားပါ။
(၆)အိုးပူလာပါကဆီအနည်းငယ်လူးပြီးမုန့်နှစ်ရည်ကိုသမအောင်မွေပေးပြီးယောက်ချိုဖြင့်တဇွန်းခပ်ထည့်ကာအိုးအနှံ့ရောက်အောင်ဖြန့်ပေးပါ။ပဲပြုတ်နံနံပင်နှင့်နှမ်းထောင်းထည့်ပါ။
(၇)မုန့်နှစ်ကျက်ပါကအပေါ်ဖက်မှဆီအနည်းငယ်ပုတ်ပေးပြီးထုတ်ယူကာအကြော်စြုံဖင့်တွဲဖက်သုံးဆောင်နိုင်ပါပြီ။
❀❀အသုံးပြုသောဆန်အမျိုးအစားပေါ်မူတည်ပြီးရေနွေးကိုချင့်ချိန်ထည့်ပါ။ဆန်နုဆန်ချောဖြစ်ပါကလျှော့ထည့်ပါ။
❀❀မုန့်ရေပါးလမ်းသရဲမုန့်ပြုလုပ်လိုပါကဆီကိုပိုသုံးပြီးခရမ်းချဉ်သီးငရုပ်သီးမဆလာအုန်းသီးစိမ်းပဲပင်ပေါက်ဂေါ်ဖီစသည်တို့ကိုဒေသအလိုက်ထည့်ပြီးပြုလုပ်လေ့ရှိပါတယ်။
.........
Sofia
http://sofiafoodparadise.blogspot.com
No comments:
Post a Comment