ကောက်ညင်းငှက်ပျောထုပ်ကိုနေရာဒေသအလိုက်ပုံစံအမျိုးမျိုးလုပ်စားကြတဲ့ထဲကယိုးဒယားကောက်ညင်းထုပ်လုပ်နည်းလေးမျှဝေပေးလိုက်ပါတယ်။ဘန်ကောက်မှာစားဖူးတဲ့ကောက်ညင်းထုပ်လေးကတော့တခါစားအရွယ်အထုပ်သေးသေးလေးပါ။မိမိနှစ်သက်ရာအရွယ်ထုပ်နိုင်ပါတယ်။လုပ်စားကြည့်ရအောင်နော်။
ပါဝင်ပစ္စည်း (၁၂ထုပ် )
*********
ကောက်ညင်းဆန် - ၃ခွက် ဆန်ချိန်ခွက်
ငှက်ပျောသီး - ၃လုံး
အုန်းနို့ ခရင်မ်- တခွက် ဆန်ချိန်ခွက်
သကြား - ၃ဇွန်း
ဆား -အနည်းငယ်
ငှက်ပျောဖတ် - ထုပ်ရန်
ပြင်ဆင်ပြုလုပ်ပုံ
***********
(၁)ကောက်ညင်းကိုလေးနာရီခန့်ရေစိမ်ပြီးပေါင်းထားပါ။
(၂)ကောက်ညင်းကျက်ပါကဆားအုန်းနို့သကြားထည့်ပြီးသမအောင်မွေပေးပါ။
(၃)ငှက်ပျောဖတ်ကိုရေဆေးသန့်စင်ပြီးမီးပြပြီးအနေတော်အရွယ်ဖြတ်ထားပါ။ငှက်ပျောသီးကိုလေးစိတ်စိတ်ထားပါ။
(၄)အားလုံးအသင့်ဖြစ်ပါကကောက်ညင်း၃ဇွန်းဖြန့်ထည့်ပါ။အလယ်တွင်ငှက်ပျောသီးတစိတ်ထည့်ပြီးအပေါ်မှကောက်ညင်းပြန်အုပ်ကာလုံအောင်ထုပ်ပါ။
(၅)အားလုံးထုပ်ပြီးပါကနှစ်ထုပ်တွဲကြိုးဖြင့်ချည်ပြီးပေါင်းအိုးတွင်ထည့်ကာမိနစ်၃၀မှ၄၅မိနစ်ထိပေါင်းပါ။လုံအောင်ထုပ်ပြီးရေနွေးအိုးတွင်လည်းထည့်ပြုတ်နိုင်သည်။
(၆)ငှက်ပျောသီးနူးအိပါကအပူဖြစ်စေအအေးဖြစ်စေတည်ခင်းသုံးဆောင်နိုင်ပါပြီ။
.....................
Sofia
No comments:
Post a Comment