ကျောက်ကျောကိုအုန်းစိမ်းရည်နှင့်အုန်းနို့ပေါင်းပြီးပြုလုပ်ထားတဲ့အုန်းစိမ်းအုန်းနို့ကျောက်ကျောလေးဖြစ်ပါတယ်။ဘယ်တော့စားစားမရိုးနိုင်တဲ့အုန်းနို့ကျောက်ကျောအချိုပွဲလုပ်နည်းလေးမျှဝေပေးလိုက်ပါတယ်။လုပ်စားကြည့်ရအောင်နော်။
ပါဝင်ပစ္စည်း
********
ကျောက်ကျောမှုန့် - တထုပ် ၂၅ ဂရမ်
အုန်းစိမ်းရည် - တစ်လီတာ
ရေ - တစ်လီတာ
အုန်းနို့ - ၅၀၀ ml
သကြား - ၃၅၀ ဂရမ်
ဆား - တစ်ဇွန်း လ္ဘက်ဇွန်း
ပြင်ဆင်ပြုလုပ်ပုံ
***********
1.ကျောက်ကျောမှုန့်ကို၁၀ဂရမ်နှင့်၁၅ဂရမ်နှစ်ပုံခွဲထားပါ။
2.အုန်းစိမ်းရည်တလီတာတွင်သကြား၁၅၀ဂရမ်နှင့်ကျောက်ကျောမှုန့်၁၀ဂရမ်ဆားလ္ဘက်ဇွန်းတဝက်ထည့်ပြီးကျိုထားပါ။ဆူပွက်ပါကဘေးတဖက်တွင်ထားပါ။
3.အခြားအိုးတခုဖြင့်ရေတလီတာသကြား၂၀၀ဂရမ်ကျောက်ကျောမှုန့်၁၅ဂရမ်ဆားဇွန်းတဝက်ထည့်ပြီးကျိုပါ။ဆူပွက်ပါကအုန်းနို့၅၀၀mlထည့်ပြီးပြန်လည်ဆူပွက်အောင်တည်ပြီးမီး ပိတ်ထားပါ။
4.နှစ်အိုးလုံးအသင့်ဖြစ်ပါကဘမ်းထဲတွင်အုန်းနို့ကျောက်ကျောအရည်သုံးပုံတပုံလောင်းထည့်ပြီးအအေးခံထားပါ။
5.ဘမ်း၏ဘေးပတ်လည်နှင့်အလည်ပိုင်းအနည်းငယ်တင်းလာသည်နှင့်တပြိုင်တည်းအုန်းစိမ်းကျောက်ကျောရည်တဝက်ကိုဖြေးညင်းစွာဇွန်းဖြင့်ခံပြီးဘမ်း၏ေ ထာင့်ဖက်မှနေ၍သာသာလောင်းထည့်ပါ။
6.အလားတူတထပ်ပြီးတထပ်ထည့်ပြီးအအေးခံကာလိုသလိုလှီးဖြတ်တည်ခင်းနိုင်ပါပြီ။
❀❀ကျောက်ကျောကျိုနေစဉ်အဆက်မပျက်မွေပေးပါ။အမှုန့်လေးများအိုးအောက်ခြေတွင်ကပ်နေတတ်ပါတယ်။
❀❀အုန်းနို့ကျောက်ကျောနှစ်လွှာတည်းပြုလုပ်လိုပါကပါဝင်ပစ္စည်းများအားလုံးအုန်းနို့မှအပထည့်ပြီးတည်ပါ။ဆူပွက်ပါကအုန်းနို့ရောပြီးဘမ်းတွင်လောင်းထည့်ကာအအေးခံပါ။
........
Sofia
http://sofiafoodparadise.blogspot.com
No comments:
Post a Comment