သီးစုံဒန်ပေါက်

Vegetable Biryani

ဒန်ပေါက်ချက်နည်းအများကြီးရှိတဲ့ထဲကသီးနှံဒန်ပေါက်သတ်သတ်လွတ်ထမင်းလေးကတော့ချက်ရလွယ်ကူပြီးအဆီအစိမ့်နည်းကာစားနေကျနဲ့မတူတမူထူးခြားတဲ့အရသာလေးကိုရရှိစေမှာဖြစ်ပါတယ်။အသားဒန်ပေါက်ချက်နည်းထက်လွယ်ကူသက်သာပြီးသတ်သတ်လွတ်စားသုံးသူများနှင့်အိမ်ရှင်မများနှစ်သက်ကြလိမ့်မယ်လို့မျှော်လင့်ပါတယ်။ချက်ကြည့်ကြ ရအောင်နော်။
ပါဝင်ပစ္စည်း (၁၀ပွဲစာ)
********
ဒန်ပေါက်ဆန်(Basmati) - ၅ခွက် (ဆန်ချိန်ခွက် )
ကြက်သွန်နီဥသေး - ဆယ်လုံး
ခရမ်းချဉ်သီး - နှစ်လုံး အနေတော်
ပြောင်းဖူး - တစ်ခွက်
ပဲစိမ်း - တစ်ခွက်
မုန်လာဥနီ -တစ်ခွက်
အာလူး - တစ်ခွက်
ပန်းပွင့် - တစ်ခွက်
နံနံပင် - လက်တစ်ဆုပ်
ပူစီနံ - လက်တစ်ဆုပ်
သီဟိုစေ့/ စပျစ်ခြောက် - တစ်ခွက်
ကြက်သွန်ကြော် - တစ်ခွက်
ဒိန်ချဉ် - တစ်ခွက်
ရေ - ၉ခွက်
အရောင်တင်မှုန့် - နှစ်ဇွန်း (စားပွဲဇွန်း)
ဒန်ပေါက်မဆလာ - နှစ်ဇွန်း
ဆား - တစ်ဇွန်း
သကြား - တစ်ဇွန်း
ထောပတ် - ခွက်တဝက်
ဆီသပ်ရန်
*******
ဆီ - ခွက်တဝက်
ဂျင်းကြက်သွန်ဖြူ - နှစ်ဇွန်း (စားပွဲဇွန်း)
သစ်ဂျပိုးခေါက် - ၂ချောင်း
ကရဝေရွက် - ၃ရွက်
ဖာလာ - ၅စေ့
လေးညင်း - ၅စေ့
တွဲဖက်စားရန်အချဉ်
ပြင်ဆင်ပြုလုပ်ပုံ
************
(၁)ဦးစွာဒန်ပေါက်ဆန်ကိုရေဆေးသန့်စင်ပြီးနာရီဝက်ခန့်ရေစိမ်ထားပါ။
(၂)သီးနှံအားလုံးကိုလိုသလိုအရွယ်လှီးဖြတ်ထားပါ။အာလူးကိုမမည်းအောင်ရေစိမ်ထားပါ။မိမိနှစ်သက်ရာအသီးနှံကိုထည့်နို င်ပါတယ်။ဂျင်းကြက်သွန်ဖြူထောင်းထား ပါ။နံနံပင်ပူစီနံတို့ကိုသန့်စင်ထားပါ။
(၃)အားလုံးအသင့်ဖြစ်ပါကထမင်းချက်မည့်အိုးတွင်ဆီထည့်ပြီးကရဝေးသစ်ဂျပိုးဖာလာလေးညင်းတို့ကိုဆီသပ်ပါ။ဂျင်းကြ က်သွန်ဖြူထည့်ပါ။
(၄)ဆီသပ်နံ့မွေးလာပါကလှီးဖြတ်ထားသောသီးနှံများကိုထည့်ကြော်ပါ။အရောင်တင်ငရုပ်သီးမှုန့်မဆလာထည့်ပါ။ဒိန်ချဉ်ထည့်ပါ။ပူစီနံနှင့်နံနံပင်ထည့်ပါ။
(၅)အားလုံးသမအောင်မွေပေးကာရေစိမ်ထားသောဆန်ကိုဇကာဖြင့်စစ်ပြီးထည့်ပါ။သမအောင်မွေပြီးဆားနှင့်သကြားထည့်ပါ။
ရေ၉ခွက်ကိုချိန်ထည့်ပြီးအရသာအပေါ့အ ငံမြည်းပါ။ဆူပွက်ပါကမီးလျော့ပြီးရေခမ်းချက်ပါ။
(၆)ရေခမ်းပါကကြက်သွန်ကြော်စပျစ်ခြောက်သီဟိုစေ့ကိုထည့်ပြီးမီးကိုအသေးဆုံးထိလျော့ချကာထမင်းနှပ်အောင်ချက်ပြီးမီးပိတ်ထားပါ။
(၇)ထောပတ်ကိုအပူပေးပြီးထမင်းအိုးတွင်အနည်းငယ်ဆီဖြန့်ထည့်ပြီးသမအောင်ဖွဖွမွေပေးပြီးပူစီနံနံနံပင်သေးသေးစိတ်ထည့်ကာသခွားသီးကြက်သွန်နီအချဉ်သုပ်၊သရက်သီးသနပ်သံပုရာသီးသနပ်နှစ်သက်ရာအချဉ်ဖြင့်တွဲဖက်တည်ခင်းနိုင်ပါပြီ။
❀❀ပေါင်းအိုးဖြင့်ချက်လိုပါကအားလုံးဆီသပ်ပြီးပါကရေမထည့်ခင်ပေါင်းအိုးဖြင့်ပြောင်းပြီးရေထည့်ကာခလုတ်နှိပ်ချက်ပါ။
❀❀မိမိနှစ်သက်ရာသီးနှံအစားထိုးချက်နိုင်ပါတယ်။
❀❀ဒန်ပေါက်ဆန်BasmatiRiceဖြစ်၍ဆန်၅ခွက်လျှင်ရေဆယ်ခွက်သုံးနိုင်ပြီးဒိန်ချဉ်တခွက်စာအတွက်ကိုရေတခွက်လျော့ထားပါ။
❀❀သီဟိုစေ့ကိုထောပတ်ဖြင့်ကြော်ပြီးနောက်ဆုံးမှလဲထည့်နိုင်ပါတယ်။
❀❀ထောပတ်ဖြင့်ထမင်းကိုသမအောင်မွေချိန်တွင်ဆန်လုံးမပျက်အောင်အထူးဂရုပြုပါ။
❀❀ခွက်ချိန်အားလုံးမှာပေါင်းအိုးဆန်ချိန်ခွက်ဖြစ်ပါတယ်။
❀❀ပေါင်းအိုးဆန်ချိန်ခွက်၂ခွက်လျှင်နို့ဆီဘူးတစ်ဘူးနှင့်ညီမျှပါတယ်။
..........
Sofia
http://sofiafoodparadise.blogspot.com